豬 Bee　鬆獅犬 3歲男仔被主人遺棄的豬 Bee現得到 Yimmi的照顧，被安排到狗酒店居住，豬 Bee十分黐 Yimmi。 

Petbook

好心人打救咬人鬆獅

狗和小朋友一樣，都需要從鼓勵中成長，光靠打和罵最終只會適得其反。今年 5月鬆獅犬豬 Bee因為咬人，被主人送到漁護署等候人道毀滅，幸好遇到 Yimmi把牠救出， Yimmi和犬隻訓練員 Eddie更發現豬 Bee因曾被前主人長期打罵，才自衞還擊咬人，現在豬 Bee已經與人重新建立互信，並期待着一個家。

採訪當日，記者和 Yimmi冒着風雨來到上水安圃村的狗酒店，雖然天氣又濕又凍，但 Yimmi仍帶着自製飯盒，前來探望被主人遺棄的鬆獅狗豬 Bee， Yimmi說：「我每星期嚟探佢兩次，餵吓佢同陪佢玩，今日落雨帶唔到佢出去散步，但我都想入嚟見吓佢，氹吓佢開心，佢𠵱家已經慢慢對人有番信心，仲好黐人添。」

搵狗主放豬 Bee

今年 5月， Yimmi在網上的鬆獅友論壇發現豬 Bee被主人遺棄，當豬 Bee在漁護署等候人道毀滅時，她便連同幾個狗友前往救狗，「因為要得狗主簽字，豬 Bee先可以喺漁護署放番出嚟，最終搭上搭之下俾我搵到狗主，仲成功游說到佢去救豬 Bee。當豬 Bee見番主人時，佢好興奮咁撲向主人，但佢唔知原來主人係想殺佢，嗰刻我真係好心痛。無論我花幾多口水，狗主都唔肯帶佢返屋企，原因係豬 Bee曾經咬過佢及屋企人。」
Yimmi曾經安排犬隻訓練員 Eddie跟狗主會面，最終找出豬 Bee咬人的原因，豬 Bee本性並不兇惡，相信是狗主的教狗方法出現問題，「 Eddie發現每當豬 Bee唔聽話，狗主會用打或鬧嘅方法嚟教狗，當狗隻覺得被迫到入絕路，佢咪惟有自衞咬人囉，佢認為呢個就係豬 Bee咬人嘅原因。」

(繼續閱讀...)