Blogtrottr

明星八掛大分享★☆ :: 痞客邦 PIXNET ::

漫遊毒物做個好特首打造聰明城市

Jan 28th 2015, 14:10

漫遊毒物

做個好特首打造聰明城市

Ads by Google

施政報告入面，特首話研究發展聰明城市，英文係 smart city。聰明城市呢個中文名用得聰唔聰明就由看倌自行決定，但如果對城市建設有一番見解的話，而喺現實又難以一展抱負，咁就要玩手機上嘅模擬城市《 Simcity Buildit》喇。唔好以為搬咗去手機隻 game會簡化咗，玩落一樣要搭水搭電，又要聽民意，有足《 Simcity》原版神緒，用 smart phone起個 smart city難度一啲都唔低，高官們要 download嚟學吓嘢喇！

要聽民意冇得亂嚟

《 Simcity》都係咁玩㗎喇，起路起屋，增加人口，增加收入，再擴建城市。《 Buildit》好玩在操作簡單但系統有深度，建造城市唔似其他同類 game亂擺一通，要有策略先可以成功。例如發電站同水站嘅位置要分布得宜才能活用資源，而住宅區同工業區要分開，住喺入面嘅村民先會滿意。打機唔同現實，做唔到村民要求條村冇人住收入就會減少，所以得閒要篤吓啲屋仔聽吓民意。手機版加入咗建材要素，起嘢唔只要用錢，仲要喺工廠生產材料，得閒就要開吓個 app收割同生產，但暫時玩落都覺得合理嘅，唔使課金都可玩得開心。

篤吓啲屋仔就會睇到民意，例如話唔夠電呀，太近工業村咁，村民多數怨言居多，但你都要聽㗎！

要先起道路，再起屋，先可以發揮設施功效。

建材落 order之後都要等時間生產，生產完又要收集至可以再生產，打慣種菜 game嘅朋友明嘅。

水管電線唔使鋪，起發電站同水站就得，但唔同嘅設施嘅供電供水能力同範圍都唔同。

平台： iOS、 Android廠商： EA售價：免費

撰文：司徒港燊
攝影：彭自維

(繼續閱讀...)

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions