Blogtrottr

明星八掛大分享★☆ :: 痞客邦 PIXNET ::

八卦陣出版界一哥租康怡蝸居

Mar 19th 2015, 14:27

聯合出版集團董事長文宏武插圖：詹震寰

八卦陣

出版界一哥租康怡蝸居

Ads by Google

之前傳出部分佔中書籍同埋黃絲背景嘅出版社，被三聯、中華同商務退書甚至下架，相反，大批反佔中書籍雖然內容錯到無倫，但就變身暢銷書熱賣。三、中、商咁有默契，原因好簡單，因為佢哋同屬聯合出版集團，聯合旗下仲有三十幾間子公司，好聽嘅就係行內龍頭，唔好聽就係壟斷本港七成零售書籍市場，變相對出版書籍操生殺大權。聯合甚至多錢到投資物業，過去幾年就用四億買咗幾個旺角同尖沙咀鋪位，靠文字為生可以買鋪，認真威威。

其實聯合係阿爺背後操控已經係公開秘密，但由於佢係私人公司，又無上市，所以外界對聯合所知甚少，不過仍然有啲蛛絲馬跡嘅。好似○八年由北京空降香港，出任聯合董事長嘅文宏武，根據公司註冊資料，原來只擁有一股公司股份咁大把，其餘約一百萬股就由一間大陸公司持有。貴為香港出版界一哥，文宏武申報住址竟然係鰂魚涌康怡花園一個六百呎低層單位，業主名仲要唔係佢老兄，文董事長極可能只係租住呢個蝸居，認真落實執行習總節儉路線。有行內人士話，文董事長只係阿爺派落嚟香港嘅「人頭」，佢份人好低調，平時間唔中出席酒會或慶典之類，同本地文化界人士接觸唔多。

富二代搞慈善跑忽然免費

由四叔大仔李家傑創辦嘅百仁基金，呢幾年都有搞慈善跑步賽籌款，今年慈善跑三月底會喺迪士尼樂園度假區舉行，官場都好俾面，食物及衞生局局長高永文、勞工及福利局局長張建宗同埋商務及經濟發展局局長蘇錦樑都話撐場，而海事處、入境處、消防處同懲教署首長就會跑埋一份。

(繼續閱讀...)

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions